Azərbaycan Dövlət İqtisad Universiteti və Oxbridge Academy arasında memorandum imzalanmışdır

Oxbridge Academy, Azərbaycan Dövlət İqtisad Universiteti ilə birgə Bakıda London Universitetinin proqramlarının həyata keçirilməsi üzrə memorandum imzalamışdır.

Memoranduma əsasən London Universiteti – London İqtisadiyyat Məktəbinin 3 illik proqramına qoşulacaq tələbələr Azərbaycanda London Universiteti – LSE-nin Humanitar və Sosial Elmlər sahəsi üzrə bakalavr dərəcəsini əldə etmək hüququ qazanacaq. Proqram çərçivəsində Mühasibat və Maliyyə (BSc Accounting and Finance), Biznes və Menecment (BSc Business and Management), İqtisadiyyat (BSc Economics), İqtisadiyyat və Maliyyə (BSc Economics and Finance), İqtisadiyyat və Menecment (BSc Economics and Management) ixtisasları üzrə bakalavr dərəcəsi verilməsi nəzərdə tutulub. London Universiteti – LSE-nin mövcud kurrikulumuna uyğun olaraq, ADİU-da hər il 4 fənn olmaqla 3 il ərzində 12 əsas fənn tədris olunacaq.

Əlavə olaraq, razılaşma çərçivəsində ADİU-da Pearson Beynəlxalq Kvalifikasiya proqramlarından olan LCCI (London Chamber of Commerce & Industry) təlimləri də təşkil olunacaq. Biznesin müxtəlif sahələri (mühasibat uçotu, biznesin idarəedilməsi və biznes ingilis dili) üzrə sertifikat təlim proqramları təqdim edən LCCI, dünyanın qabaqcıl unversitetləri və şirkətləri tərəfindən tanınır, işə qəbul zamanı mühüm göstərici kimi nəzərə alınır. 3-6 ay müddətinə xarici və yerli müəllimlər tərəfindən tədris olunan hazırlıq kursları bütünlükdə ingilis dilində aparılır.

Oxunub (972) dəfə

Pin on PinterestShare on LinkedInTweet about this on TwitterShare on Google+Share on Facebook


free hits
Track My Website