Məktəb və bağçalarda kommunal xidmətlərin təşkili müzakirə edilib

Noyabrın 6-da Məktəbəqədər və Ümumi Təhsil üzrə Dövlət Agentliyində “Azəristiliktəchizat” ASC, “Azərişıq” ASC, “Azəriqaz” İB və Azərbaycan Dövlət Su Ehtiyatları Agentliyinin kommunal xidmətlərin təşkilinə məsul struktur bölmələrinin rəsmiləri ilə görüş keçirilib.

Agentlikdən “Azərbaycan müəllimi”nə bildirilib ki, görüşün keçirilməsində məqsəd istilik rejiminə keçidlə  bağlı aktual məsələlər-təhsil müəssisələrində kommunal xidmətlərin təşkili, mərkəzi və regional səviyyədə əməkdaşlığın və kommunikasiyanın gücləndirilməsi istiqamətində müzakirələrin aparılması olub.

Elm və Təhsil Nazirliyi, Məktəbəqədər və Ümumi Təhsil üzrə Dövlət Agentliyinin,eyni zamanda Bakı Şəhəri üzrə Təhsil İdarəsinin müvafiq bölmələrinin rəhbərlərinin iştirakı ilə keçirilən görüşdə təhsil müəssisələrinin kommunal, xüsusilə istilik sistemlərinin mövcud vəziyyəti təhlil edilib, payız-qış mövsümü ilə bağlı həyata keçirilmiş hazırlıq tədbirləri və qarşıda duran hədəflər barədə fikir mübadiləsi aparılıb.

Görüşdə uşaqların təhlükəsizliyi və sağlamlığının daim prioritet olduğu vurğulanıb, bu məsələnin diqqət mərkəzində saxlanıldığı qeyd edilib. 
Mövsümlə əlaqədar olaraq istilik rejiminə keçidij təşkili prosesində daxil olan müraciətlərin operativ həlli üçün koordinasiyanın gücləndirilməsinin, xüsusilə, qurumların əməkdaşlarından ibarət işçi qrupun formalaşdırılmasının vacibliyi vurğulanıb, bu istiqamətdə təkliflər səsləndirilib.