BDU tələbələri Biologiya üzrə Beynəlxalq Olimpiadada böyük uğur qazanıblar

Bakı Dövlət Universitetinin (BDU) Biologiya fakültəsinin tələbələri Tacikistan Milli Universitetinin təşkilatçılığı ilə keçirilən Biologiya üzrə Beynəlxalq Olimpiadada böyük uğur qazanıblar. 

Universitetdən “Azərbaycan müəllimi”nə bildirilib ki, Biologiya fakültəsinin tələbələri Şahnaz Vəliyeva Olimpiadada I, Firuzə Məhərrəmova və Günay Fətəliyeva II yerə layiq görülüblər.

Olimpiada dünyanın müxtəlif ölkələrindən gənc bioloqların bilik və təcrübə mübadiləsi üçün mükəmməl platforma yaradıb. Olimpiadanın əsas məqsədi gənclərin biologiya üzrə biliklərini, qarşıya qoyulan problemləri həll etmə bacarıqlarını artırmaq, yaradıcılıq potensialını üzə çıxarmaq, müasir təhsil texnologiyaları ilə işləmək təcrübəsi qazandırmaqdır.