Biləsuvar Təhsil Kompleksi ilə daha bir institut arasında memorandum imzalanıb

Neft-Kimya Prosesləri İnstitutunun baş direktoru, kimya elmləri doktoru, akademik Vaqif Abbasov, icraçı direktor Nizami Mürsəlov və institutun 5 əməkdaşı Milli Qəhrəman M. İbrahimov adına Biləsuvar Təhsil Kompleksində işgüzar səfərdə olublar.

Bu barədə "Azərbaycan müəllimi"nə Biləsuvar Təhsil Kompleksindən məlumat verilib.

Bildirilib ki, qonaqlar əvvəlcə komplekslə tanış olublar. Sonra baş direktor Vaqif Abbasov kompleksin pedaqoji heyəti ilə tanış olub, müəllifi olduğu elmi əsərlərini kompleksə hədiyyə edib.

Daha sonra iki müəssisə arasında qarşılıqlı münasibətlərin qurulması ilə bağlı əməkdaşlıq haqqında memorandum imzalanıb.

Sonda qonaqlara hədiyyələr verilib və Milli Qəhrəman Mübariz İbrahimovun abidəsi ziyarət olunub.

Qeyd edək ki, bir müddət öncə təhsil kompleks ilə Botanika İnstitutu arasında da memorandum imzalanıb.