“Şərqin Füzuli Dühası” adlı tədbirdə MEK-in nəşrləri sərgilənib

Xaçmazda Quba-Xaçmaz Regional Mədəniyyət İdarəsi Xaçmaz Tarix Diyarşünaslıq muzeyi və AMEA-nın Mərkəzi Elmi Kitabxanasının birgə təşkilatçılığı ilə dahi Azərbaycan şairi Məhəmməd Füzulinin 530 illiyi çərçivəsində “Şərqin Füzuli Dühası” adlı tədbir keçirilib.

Rayon ictimaiyyətinin nümayəndələri, təhsil və mədəniyyət işçiləri, tələbələr və gənclərin iştirakı ilə baş tutan tədbirdə kitabxananı MEK-in Kitabxana xidməti üzrə direktor müavini, dosent Şəhla Quliyeva və Oxuculara xidmət şöbəsinin rəhbəri Ofeliya Yunusova təmsil ediblər, Füzuli irsinə dair 80-ə yaxın ədəbiyyatla qatılıblar. Sərgilənən kitablar böyük maraqla qarşılanıb.

Tədbir zamanı Mərkəzi Elmi Kitabxana olaraq hər zaman böyük ədəbiyyat nümayəndələrimizin irsinin toplanıb qorunması, istifadəçilərə çatdırılması istiqamətində çoxşaxəli işlər görüldüyünü vurğulayan dosent Şəhla Quliyeva tədbirin təşkilində əməyi keçən hər kəsə, xüsusilə Xaçmaz Tarix Diyarşünaslıq muzeyinin direktoru Pakizə Mehdiyevaya MEK-in direktorunun salamını və təşəkkürünü çatdırıb.

İctimaiyyətlə əlaqələr şöbəsi

[email protected]

(012) 539-73-67 ( daxili 14-14)