Şirvan-Salyan regionu üzrə 11 məktəbdə qazanxana, 7 məktəbdə kombi sistemi qurulur

Şirvan-Salyan Regional Təhsil İdarəsinin tabeliyində fəaliyyət göstərən 11 təhsil müəssisəsində qazanxana, 7 təhsil müəssisəsində kombi sistemi qurulur.

Bunu idarədən  "Azərbaycan müəllimi"nin sorğusuna cavab olaraq bildiriliblər.

Məlumata görə, Neftçala rayonunda 2 məktəbdə kombi sistemi qurulur, 7 məktəbdə mərkəzi istilik sistemi - qazanxana binası tikilir. Hacıqabul rayonunda 1, Salyan rayonunda 1 məktəbdə mərkəzi qazanxana binası inşa edilir, 1 məktəbdə kombi qurulur. Biləsuvarda 2 qazanxana binası  tikintisi həyata keçirilir, 4 məktəbdə isə istilik təminatının kombi sistemi ilə təşkili nəzərdə tutulur.