ADPU-da şəhid və qazi ailələrinin üzvü olan tələbələrin təhsil krediti borcları silinəcək

Noyabrın 4-də Azərbaycan Dövlət Pedaqoji Universitetinin Elmi Şurasının 2024/2025-ci tədris ili üçün növbəti iclası keçirilib.

"Azərbaycan müəllimi" xəbər verir ki, iclasda şəhid və qazi ailəsi üzvü olan tələbələrin təhsil krediti borclarının silinməsi qərara alınıb.

Bununla bağlı irəli sürülən təklif səs çoxluğu ilə qəbul edilib.

İclasda həmçinin bir sıra elmi nailiyyətlərə görə dosent attestatlarının təqdimatı, beynəlxalq əməkdaşlıq və inklüziv təhsil siyasəti ilə bağlı hesabatlar dinlənilib.