ADNSU İnnovasiya üçün Qlobal Universitetlər Şəbəkəsinə daimi üzv seçilib

Azərbaycan Dövlət Neft və Sənaye Universiteti (ADNSU) ali təhsil siyasəti və idarəçiliyi sahəsində dünyanın ən tanınmış və nüfuzlu beynəlxalq şəbəkələrindən biri olan İnnovasiya üçün Qlobal Universitetlər Şəbəkəsinə  (Global University Network for Innovation - GUNi) daimi üzv seçilib. 

Bu barədə “Azərbaycan müəllimi”nə ADNSU-dan məlumat verilib.

Şəbəkə 100-dən çox ölkədən 363 ali təhsil müəssisəsini və təşkilatı bir araya gətirir. ADNSU, GUNi-nin daimi üzvü olaraq Azərbaycanı təmsil edən yeganə ali təhsil müəssisəsidir. Bu üzvlük, universitetimizin beynəlxalq arenada mövqeyini daha da möhkəmləndirərək, akademik və sosial sahələrdə innovativ yanaşmaların tətbiqinə dəstək verəcəkdir.