Təyyarədən sürətli qatarların sınağına başlanılıb

Çin təyyarədən daha sürətli qatar gedişlərinin sınağına başlayıb.

“Azərbaycan müəllimi” xəbər verir ki, aerofobiyadan əziyyət çəkən və buna görə uzun məsafələrə səyahət etməkdən imtina edənlər üçün yaxşı xəbər var.

Tezliklə təyyarələrdən daha sürətli hərəkət edən qatarlar olacaq. Onların sınaqları artıq Çində başlayıb Qatarlar saatda 1000 kilometrə qədər sürətə çata bilirlər.

İndiyədək vakuum borularında hərəkət edəcək maqnit levitasiyalı ekspress qatarların prototipləri yaradılıb.

Professor Sonq Tiçenqin rəhbərlik etdiyi tədqiqat qrupu vakuum borularında sabit rabitəni təmin etmək üçün unikal həll yolu hazırlayıb. Sistem borunun daxili divarı boyunca uzanan iki paralel kabeldən ibarətdir və davamlı əlaqəni saxlamaq üçün elektromaqnit siqnalları verir.

Yeni qatarlar sərnişinləri yüksək keyfiyyətli 5G rabitəsi ilə təmin etməklə yanaşı, sərnişin təyyarələrindən daha sürətli hərəkət edə biləcək. Bu, səyahətiniz zamanı mobil cihazlarda yüksək dəqiqlikli videolara baxmağa və onlayn oyunlar oynamağa imkan verəcək.