Şirvan-Salyan regionu üzrə 8 Noyabr - Zəfər Günü münasibətilə müsabiqə keçiriləcək

Şirvan-Salyan Regional Təhsil İdarəsi bu gündən etibarən yeni müsabiqəyə start verib.

İdarədən "Azərbaycan müəllimi"nə verilən məlumatda qeyd olunub ki, 8 Noyabr - Zəfər Günü münasibətilə Şirvan-Salyan Regional Təhsil İdarəsi tərəfindən adlı müsabiqə keçiriləcək.

Müsabiqədə iştirak qaydaları aşağıdakı kimidir:

- Müsabiqədə Şirvan-Salyan RTİ tabeliyində olan bütün təhsil müəssisələri iştirak edə bilər;
- Hər bir şagird yalnız bir əl işi ilə müsabiqəyə qoşula bilər;
- Müsabiqədəki əl işləri yalnız təhsilalanlara məxsus olmalıdır;
- Təhsilverənlər və valideynlərin müdaxiləsi yolverilməzdir;
- İştirakçılar ad və soyadlarını, təhsil aldığı müəssisənin adını, əlaqə nömrəsini, əl işinin başlığını və əl işinin fotosunu (.jpg formatında) 31 oktyabr 2024-cü il tarixinə qədər [email protected] ünvanına göndərməlidir.

Qaydalara uyğun gələn əl işlərinin fotoları regional idarənin “Facebook” səhifəsində paylaşılacaq. 

Ən çox bəyənmə toplayan 3 əl işinin müəllifi Şirvan-Salyan Regional Təhsil İdarəsi tərəfindən hədiyyə və diplomla mükafatlandırılacaq.

Əlavə olunub ki, saxta profillər və ya müxtəlif proqramlar vasitəsilə toplanan bəyənmələr nəzərə alınmayacaq.