LDU-nun nümayəndə heyəti Ankara Universitetində olub

Noyabrın 11-də Lənkəran Dövlət Universitetinin (LDU) rektor müşaviri prof. Mikayıl Məhərrəmov, Elm və innovasiya məsələləri üzrə prorektoru dos. Elvin Əliyev, Elm və tədqiqat işləri üzrə şöbə müdiri dos. Ülkər Babayeva Ankara Universitetinə işgüzar səfər edib.

Bu barədə “Azərbaycan müəllimi”nə LDU-dan məlumat verilib.

Bildirilib ki, Ankara Universitetinin rektoru Prof. Necdet Ünüvar universitetinin nümayəndə heyətini qəbul edib. Səfər zamanı Ankara Universitetinin baytarlıq və kənd təsərrüfatı fakültəsinin dekanları və kafedra müdirləri ilə görüş keçirilib.

Görüşdə ikili diplom layihəsi, mövcud olan əməkdaşlıq müqaviləsinin genişləndirilməsi və QS reytinq sistemi ilə bağlı məsələlər müzakirə edilib.

Sonda xatirə şəkilləri çəkilib.