UNEC ilə Macarıstanın Mathias Corvinus Kolleci arasında əməkdaşlıq edəcək

Azərbaycan Dövlət İqtisad Universiteti (UNEC) ilə Macarıstanın Mathias Corvinus Kolleci arasında yeni əməkdaşlıq imkanları genişləndirilib.

Universitetdən “Azərbaycan müəllimi”nə bildirilib ki, görüşün əsas məqsədi iki universitet arasında əməkdaşlıq imkanlarını araşdırmaq və beynəlxalq akademik tərəfdaşlığı gücləndirmək olub.

Qarşılıqlı müzakirələr zamanı beynəlxalq akademik tərəfdaşlıqların inkişaf etdirilməsi, tələbə və müəllim mobilliyinin artırılması, eləcə də təcrübə mübadiləsi məsələləri ətrafında fikir mübadiləsi aparılıb.

Görüşün sonunda, müştərək tədqiqat layihələrinin yaradılması, seminarların və mühazirələrin təşkili, eləcə də akademik mübadilə proqramlarının həyata keçirilməsi kimi yeni layihələrin potensialı müzakirə olunub.