Gəncə məktəbliləri Vyetnamda keçiriləcək beynəlxalq olimpiadada iştirak hüququ qazanıblar 

Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrində təhsil alan 4 şagird Fermat Beynəlxalq Riyaziyyat Olimpiadasının seçim mərhələsində qızıl medala layiq görülüb.

İdarədən “Azərbaycan müəllimi”nə bildirilib ki, Gəncə şəhər M.Hadi adına 10 nömrəli tam orta məktəbin şagirdi Salman Cəfərov, S.Vəliyev adına 34 nömrəli tam orta məktəbin şagirdləri Ömər Fətəlizadə və Aydın Məmmədov, İ.Nəsimi adına 44 nömrəli məktəb-lisey kompleksinin şagirdi Yaqub Musalı qızıl medala layiq görülüblər.

Qeyd edək ki, bunula da sözügedən məktəblilər Vyetnamda keçiriləcək beynəlxalq yarışmada iştirak etmək hüququ qazanıblar.