Sertifikatlaşdırmadan keçən müəllimlərin orta dərs yükü 17,5 saatdan 19,5-ə qalxıb

Sertifikatlaşdırmadan keçən müəllimlərin orta dərs yükü 17,5 saatdan 19,5-ə qalxıb.

“Azərbaycan müəllimi” xəbər verir ki, bunu Məktəbəqədər və Ümumi Təhsil üzrə Dövlət Agentliyinin 1 illik fəaliyyətinə dair təşkil olunan brifinqdə Agentliyin direktoru Eşqi Bağırov deyib.

O bildirib ki, müəllimlərin iş yerinin dəyişdirilməsi müsabiqəsində 1015 nəfər uğur qazanaraq iş yerini dəyişdirib.

“Həmçinin, müəllimlərin iş yerinin qarşılıqlı dəyişdirilməsi prosesində 210 uğur qazanıb.  Direktorların işə qəbulu müsabiqəsi üzrə 84 direktor işə qəbul edilib, 141 nəfər yerdəyişmə edib. Hazırda 1027 nəfərin müsahibəsi davam edir”.

Eşqi Bağırov əlavə edib ki, cari ildə keçirilən 24 050 müəllim sertifikatlaşdırmaya cəlb olunub, onlardan 20 104-ü uğur qazananıb.

“Minimum tələbi ödəməyən 3946 müəllim növbəti il təkrar sertifikatlaşdırmaya cəlb olunacaq. Ümumilikdə indiyədək 55000 müəllim sertifikatlaşdırmadan keçərək əməkhaqqısını artımla alır”.