Füzuli məktəblisi beynəlxalq riyaziyyat olimpiadasında qızıl medal qazandı

Qarabağ Regional Təhsil İdarəsinin tabeliyində olan Füzuli rayon 3 nömrəli tam orta məktəbin 11-ci sinif şagirdi Nərgiz  Quliyeva WMTC - 2024 ( Word Mathematics Team Championship) Beynəlxalq Olimpiadasında iştirak edərək medallara layiq görülüb.

İdarədən “Azərbaycan müəlllimi”nə verilən məlumata görə, Nərgiz olimpiada çərçivəsində keçirilən müxtəlif tədbirlərin qalibi kimi həm qızıl, həm də gümüş medal qazanıb. O, oktyabrın 20-də "National Round of Fermat Mathematician Olympiad 2024-2025" tədbirində gümüş medala, noyabrın 9-da 140 ölkə arasında keçirilən "İnternational Match Challenge" tədbirində qızıl medala layiq görülüb.

Qeyd edək ki, WMTC dünyanın süni intellekt dəstəklənən ilk beynəlxalq riyaziyyat olimpiadasıdır.