Qarabağ Universiteti Yaponiyanın universiteti ilə əməkdaşlıq imkanlarını müzakirə edib

Qarabağ Universitetinin rektoru Şahin Bayramov Beynəlxalq Universitetlər Assosiasiyasının (IAU) Tokio şəhərində keçirilən beynəlxalq konfrans çərçivəsində Yaponiyanın Sofiya Universitetinin rektoru Yoşiaki Terumiçi və prorektor Tetsuo Morishita ilə görüşüb.

“Azərbaycan müəllimi” xəbər verir ki, bu barədə Qarabağ Universiteti sosial media hesabında paylaşım edib. 

Qeyd edilib ki, görüş zamanı Qarabağ Universiteti ilə Sofiya Universiteti arasında potensial əməkdaşlıq imkanları müzakirə edilib.