Molekulyar Biologiya və Biotexnologiyalar İnstitutu bu il iki mühüm Anlaşma Memorandumu imzalayıb

Bütün xəbərlər

9 dekabr, 12:35

8

00

2024-cü ildə Molekulyar Biologiya və Biotexnologiyalar İnstitutu ilə Almaniyanın Osnabruk Tətbiqi Elmlər Universiteti və Almaniyanın Maks Plank Təkamül Antropologiyası İnstitutu arasında əməkdaşlıq müqaviləsi imzalanıb.

İnstitutdan “Azərbaycan müəllimi”nə verilən məlumata görə, Maks Plank Təkamül Antropologiyası İnstitutu ilə Analaşma Memorandumu Elm və Təhsil Nazirliyinin Molekulyar Biologiya və Biotexnologiyalar İnstitutu tərəfindən baş direktor akademik İradə Hüseynova, Maks Plank İnstitutu tərəfindən isə institutun icraçı direktoru professor Johannes Kraus imzalayıblar. 

Qeyd edək ki, Maks Plank Təkamül Antropologiyası İnstitutuna nəsli kəsilmiş homininlərin genomları və insan təkamülü ilə bağlı kəşflərinə görə 2022-ci ildə Fiziologiya və Tibb sahəsində Nobel mükafatı almış professor Paabo Svante rəhbərlik edir. Memorandumun şərtlərinə görə bu təşkilatlar arasında elmi əməkdaşlıq əlaqələri ilkin mərhələdə 5 il müddətinə nəzərdə tutulur və ehtiyac yaranasa bu müddətin daha 2 il uzadılması mümkün olacaqdır.

Birgə tədqiqat layihələri Azərbaycanın arxeoloji abidələrindən əldə olunan bioloji nümunələrin tarixi, təkamül və bioloji əhəmiyyətinin araşdırılmasına yönəldilicəkdir. 

Almaniyanın Osnabruk Tətbiqi Elmlər Universiteti ilə Anlaşma Memorandumunun imzalanmasında isə məqsəd, Almaniya Federal Təhsil və Elmi-Tədqiqat Nazirliyi tərəfindən Şərq Tərəfdaşlığı ölkələri üzrə elan edilmiş qrant müsabiqəsinə (BMBF) birgə layihənin təqdim edilməsi üçün müzakirələrin aparılması və buğdanın seleksiyası ilə məşğul olan kompaniyaların təcrübəsi ilə tanışlıq olub.