AzMİU tələbələri Kosmik Agentliyin Mərkəzində olublar
Azərbaycan Memarlıq və İnşaat Universitetinin (AzMİU) Sənayenin təşkili və idarə edilməsi kafedrasının təşkilatçılığı ilə davamlı inkişafın idarə edilməsi ixtisası üzrə təhsil alan III kurs tələbələrinin Azərbaycan Respublikasının Kosmik Agentliyinin (“Azərkosmos”) Müşviqabad qəsəbəsində yerləşən Mərkəzinə ekskursiyası təşkil olunub.
Universitetdən “Azərbaycan müəllimi”nə bildirilib ki, kafedra müdiri dosent Ruhəngiz Əliyevanın rəhbərliyi ilə həyata keçirilən səfərdə müəllimlər Q.Şahverdiyeva və Q.Qurbanova iştirak ediblər.
Agentliyin əməkdaşları tərəfindən "Azərkosmos"un yaranma tarixi, fəaliyyəti, tədqiqat istiqamətləri və inkişaf sahələri barədə geniş məlumat verilib və tələbələrin çoxsaylı sualları cavablandırılıb.
