BANM tələbəsi Şimali Karolina Universitetində Azərbaycan mədəniyyətini təbliğ edir
SOCAR-ın Bakı Ali Neft Məktəbinin (BANM) Proseslərin avtomatlaşdırılması mühəndisliyi ixtisasının IV kurs tələbəsi Murad Şərifov Azərbaycan mədəniyyətinin təbliği istiqamətində nümunəvi addım atıb.
O, Şimali Karolina Universitetində Novruz bayramına həsr olunmuş təqdimat keçirib. Beynəlxalq auditoriyaya bu qədim bayramın mənasını, ənənələrini və Azərbaycan mədəniyyətindəki rolunu izah edib.
Təqdimat zamanı tələbələrə və müəllimlərə Novruzun özünəməxsus xüsusiyyətlərindən bəhs edən Murad Şərifov, bayramın simvollarından olan paxlavanı onlara daddıraraq, Azərbaycan mətbəxinin unikal ləzzətlərindən söz açıb.
Bu məzmun müəllif hüquqları ilə qorunur. Kopyalama qadağandır.
