Bu il 20-30 nəfərə “Neuralink”in beyin implantı yerləşdiriləcək

Bu il “Neuralink”in beyin implantının 20-30 nəfərə yerləşdirilməsi planlaşdırılır.

“Azərbaycan müəllimi” xəbər verir ki, amerikalı sahibkar, milyarder və şirkətin qurucusu İlon Mask bu barədə X sosial şəbəkəsində yayımlanan “Stagwell” marketinq şirkətinin direktoru Mark Penn ilə müsahibəsində bildirib.

O qeyd edib ki, “Neuralink” şirkətinin beyin çipi bu günə qədər 3 xəstəyə implantasiya edilib.

Məlumat üçün bildirək ki, 2024-cü ildə “Neuralink”in iflic olan insanlara robot qolu idarə etməyə imkan verəcək texnologiyanı sınaqdan keçirməyə başladığı xəbəri yayılmışdı. Şirkət bunu fiziki azadlığın bərpası istiqamətində ilk addım adlandırıb.