Bugünkü buraxılış imtahanının nəticələri 6 həftəyə açıqlanacaq

DİM-in bu gün tam (11 illik) orta təhsil səviyyəsi üzrə keçirdiyi buraxılış imtahanının  protokolları və cavab vərəqlərinin emalına sabahdan başlanılacaq. 

DİM-dən “Azərbaycan müəllimi”nə bildirilib ki, imtahanlarda istifadə olunan yazılı cavab tələb edən açıq tipli tapşırıqların yoxlanılması vaxt tələb etdiyindən nəticələrin yaxın 6 həftə ərzində elan olunması nəzərdə tutulur.

İmtahanda iştirak edənlər, həmçinin valideynlər, müəllimlər, ekspertlər bütün test tapşırıqlarının izahının elektron versiyasını (pdf formasında) canlı yayımdan sonra DİM-in sosial şəbəkə hesablarından əldə edə biləcəklər.