Cəzaçəkmə müəssisələrindəki məktəblərdə 667 şagird təhsil alır - ÖZƏL

Cəzaçəkmə müəssisələrində Bakı Şəhəri üzrə Təhsil İdarəsinin tabeliyində fəaliyyət göstərən 5 ümumi təhsil müəssisəsi mövcuddur. 

Bu barədə "Azərbaycan müəllimi"nin sorğusuna cavab olaraq idarədən məlumat verilib.

Bildirilib ki, həmin təhsil müəssisələrinə şagird qəbulu VIII sinifdən başlayır. Hazırda bu müəssisələrdə 667 şagird təhsil alır.

Dövlət İmtahan Mərkəzi tərəfindən ümumi orta təhsil pilləsi üzrə buraxılış imtahanları IX sinifdə, tam orta təhsil pilləsi üzrə buraxılış imtahanları isə XII sinifdə keçirilir.