Emin Əmrullayev: Məktəblərdə nəzarət-yoxlama tədbirləri davam etdiriləcək

Elm və təhsil naziri Emin Əmrullayev son günlərdə regionda təhsil sektorunun müdirinin nəzarət-yoxlama tədbirləri nəticəsində vəzifəsindən azad edilməsi, həmçinin məktəb direktorunun rüşvətə görə həbs olunması məsələsinə münasibət bildirib.

"Azərbaycan müəllimi" xəbər verir ki, nazir bildirib ki, hər iki hal nazirliyin araşdırması nəticəsində üzə çıxarılıb.

"Lakin nazirlik hüquq-mühafizə orqanı deyil. Öz səlahiyyətimiz çərçivəsində cəza verə biliriksə, veririk, səlahiyyətimizin xaricində olanda isə müvafiq qurumlara yönləndiririk. Bu proses davamlı olaraq aparılacaq. Məktəblərdə bu istiqamətdə yoxlamalarımızı davam etdirəcəyik".