İsa Həbibbəyli: AMEA-nın Lənkəran bölməsinin binası yoxdur

“AMEA-nın Lənkəran bölməsi 2010-cu ildə yaradılıb. Amma indiyədək onun özünün binası yoxdur, bölmə kirayə binada fəaliyyət göstərir”. 

“Azərbaycan müəllimi” xəbər verir ki, bunu Azərbaycan Milli Elmlər Akademiyasının prezidenti, akademik İsa Həbibbəyli AMEA-nın Ümumi yığıncağında deyib.

Onun sözlərinə görə, Milli Məclisin deputatı Rəşad Mahmudov Lənkəran şəhərindəki həyətyanı torpaq sahəsini ödənişsiz olaraq Lənkəran bölməsinə verib: “Rəşad Mahmudov sahibkar deyil, böyük ziyalıdır. Bu, bizim sahibkarlar üçün bir nümunədir. Rəşad Mahmudova dərin minnətdarlığımı bildirirəm ki, belə bir nümunəni xalqa təqdim edib”.