Kimya fənni üzrə beynəlxalq olimpiadalara hazırlıq üçün düşərgə təşkil edilib

14 dekabr tarixində Təhsil Texnologiyaları Mərkəzində kimya fənni üzrə beynəlxalq olimpiadalara namizədlərin müəyyən edilməsi üçün təşkil edilmiş seçmə imtahanından 19 şagird düşərgədə iştirak etmək hüququ qazanıb.

Bu barədə Təhsil İnstitutundan “Azərbaycan müəllim”nə məlumat verilib. Belə ki, 23-29 dekabr və 3-7 yanvar tarixlərində həmin şagirdlər üçün Təhsil Texnologiyaları Mərkəzində düşərgə təşkil edilib. Düşərgə müddətində mütəxəssislər tərəfindən şagirdlərə intensiv dərslər keçirilib, şagirdlərin kimya üzrə biliklərinin möhkəmləndirilməsi və onların müxtəlif növ problemlərini effektiv şəkildə həll etmələri təmin edilib.