LDU-nun iki məzunu Türkiyədə doktoranturaya qəbul olub
Lənkəran Dövlət Universitetinin (LDU) məzunları – Ehtiram Əhmədzadə və Muhəmməd Əlizadə Türkiyənin nüfuzlu Qafqaz (Qars) Universitetinin Baytarlıq fakültəsində “Qida gigiyenası və istehsalı” ixtisası üzrə doktoranturaya qəbul olunublar.
Bu barədə “Azərbaycan müəllimi”nə LDU-dan məlumat verilib.
Bildirilib ki, tələbələr universitetdə 2023-cü ildə Qida mühəndisliyi ixtisası üzrə bakalavr, 2025-ci ildə isə Qida təhlükəsizliyi ixtisası üzrə magistr təhsillərini uğurla başa vurublar.
Qeyd edək ki, Lənkəran Dövlət Universiteti ilə Qafqaz (Qars) Universiteti arasında ikili əməkdaşlıq müqaviləsi mövcuddur.
Bu məzmun müəllif hüquqları ilə qorunur. Kopyalama qadağandır.
