MİQ-in əlavə yerləşdirmə mərhələsi üzrə 3339 müəllim işlə təmin olunub
Müəllimlərin işə qəbulu (MİQ) müsabiqəsinin əlavə yerləşdirmə mərhələsi üzrə cari tarixə qədər 3 339 nəfər müddətli müqavilə əsasında işləmək imkanı əldə edib.
Bu barədə "Azərbaycan müəllimi"nin sorğusuna cavab olaraq Məktəbəqədər və Ümumi Təhsil üzrə Dövlət Agentliyindən məlumat verilib.
Bildirilib ki, 2024-cü ildə müəllimlərin işə qəbulu üzrə müsabiqəyə 10 000-dən artıq vakant yer təqdim olunmuşdu. Müsabiqənin nəticələrinə əsasən, 4 641 nəfər müddətsiz, 1 644 nəfər isə müddətli müqavilə ilə işlə təmin olunub.
Bu məzmun müəllif hüquqları ilə qorunur. Kopyalama qadağandır.
