Regional idarə: Tovuzda itkin düşmüş şagird dünən bütün dərslərdə iştirak edib
Qazax-Tovuz Regional Təhsil İdarəsindən Tovuz rayonu Yusif Sadıqov adına Bozalqanlı kənd tam orta ümumtəhsil məktəbinin 7-ci sinif şagirdi Süleymanova Aysun Elçin qızının itkin düşməsi ilə bağlı hadisəyə münasibət bildirilib.
İdarədən "Azərbaycan müəllimi" verilən məlumata görə, şagird dünən bütün dərslərdə iştirak edib və dərsdən sonra məktəbi tərk edib.
"Sonradan onun evə getmədiyi məlum olub. Valideynləri tərəfindən hüquq-mühafizə orqanlarına məlumat verilib. Hazırda şagirdin axtarışı davam edir", - deyə məlumatda qeyd olunub.
Bu məzmun müəllif hüquqları ilə qorunur. Kopyalama qadağandır.
