Sədr: “AzerGold” indiyədək 75 tələbəyə təqaüd verib
“Ali təhsil müəssisələrinin 10 tələbəsi “AzerGold” QSC-nin Təqaüd Proqramınının qalibi olub. Qaliblər “Geologiya”, “Dağ-mədən mühəndisliyi”, “Kimya mühəndisliyi”, ”Ekologiya” ixtisasları üzrə təhsil alan tələbələrdir”.
“Azərbaycan müəllimi” xəbər verir ki, bunu “AzerGold” QSC-nin İdarə Heyətinin sədri Zakir İbrahimov bu gün 4-cü Təqaüd Proqramının qaliblərinin mükafatlandırılma və “Mədən topoqrafiyası” kitabının təqdimatı ilə bağlı təşkil edilən tədbirdə deyib.
O bildirib ki, peşə təhsili üzrə təqaüd proqramı müsabiqəsinə müraciət edən 32 tələbənin 2-si qalib seçilib. Qaliblər “Dağ-mədən işləri üzrə mütəxəssis” ixtisası üzrə təhsil alırlar.
Z.İbrahimov qeyd edib ki, ümumilikdə indiyə kimi ali təhsil müəssələrinin 38, peşə təhsili müəssisələrinin 37 tələbəsi təqaüd qalibi olub. Onların 7-si təhsilini başa vurduqdan sonra (2-si ali məktəb, 5-i peşə məktəbinin məzunu) “AzərGold”da müxtəlif vəzifələrə işə qəbul edilib.
