TKTA: Hacettepe və İstanbul universitetlərinin kvalifikasiyaları daha çox tanınıb
2019–2024-cü illər üzrə Türkiyənin ali təhsil müəssisələrindən alınan kvalifikasiyaların tanınması üçün Təhsildə Keyfiyyət Təminatı Agentliyinə (TKTA) 5327 müraciət daxil olub.
TKTA-dan “Azərbaycan müəllimi”nə verilən xəbərə görə, 2019–2024-cü illərdə Hacettepe Universiteti və İstanbul Universitetinin məzunlarından kvalifikasiyaların tanınması ilə bağlı 1050 müraciət daxil olub. Bu da 36 faiz olmaqla müsbət cavablandırılmış müraciətlərin ən çox hissəsini təşkil edib.
Qeyd edək ki, beynəlxalq reytinq sıralamasında ilk 1000-likdə yer alan universitetlərin məzunlarının kvalifikasiyaları daha etibarlı hesab olunur.
Bu məzmun müəllif hüquqları ilə qorunur. Kopyalama qadağandır.
