Xızıda vəfat edən məktəb direktorunun ölüm səbəbi araşdırılır

Xızı şəhər tam orta məktəbin direktoru Fazil Məmmədovun ölüm səbəbləri araşdırılır.

Bu barədə “Azərbaycan müəllimi”nə Abşeron-Xızı Regional Təhsil İdarəsindən məlumat verilib.

Məlumatda qeyd edilib ki, Fazil Məmmədov bu gün səhər saatlarında vəfat edib. Hadisə barədə dərhal aidiyyəti qurumlara məlumat verilib: “Hazırda hüquq-mühafizə orqanları məsələ ilə bağlı araşdırma aparır. Tibbi-ekspertiza yekunlaşdıqdan sonra ölümün dəqiq səbəbləri məlum olacaq”.

Qeyd edək ki, APA-nın yaydığı məlumata görə, 1959-cu il təvəllüdlü Fazil Məmmədovun idman etmək məqsədilə axşam yaşadığı ünvandan çıxıb, bu gün səhər saatlarında onun direktoru olduğu məktəbdə meyiti tapılıb.