Məktəbli  TƏBİB-in qonağı olub

276 nömrəli tam orta məktəbin VII sinif şagirdi Zəhra İbrahimli "TƏBİB-in gözəl və çalışqan əməkdaşları" başlığı ilə rəsm çəkib.

“Azərbaycan müəllimi” xəbər verir ki, Zəhra öz əl işində tibb işçilərini təsvir edib.

Bu yaradıcı jestin qarşılığı olaraq TƏBİB-də Zəhra ilə tanışlıq üçün görüş təşkil olunub. 13 yaşlı Zəhra atası ilə birlikdə TƏBİB-in ofisini ziyarət edib.

Görüşdə TƏBİB-in İcraçı direktoru Vüqar Qurbanov da iştirak edib.

Zəhra anasının tibb sahəsindəki fəaliyyətindən ilhamlandığını qeyd edib. Anası Xəyalə İbrahimli uzun illərdir 20 saylı şəhər poliklinikasında tibb bacısı kimi çalışır. Zəhra isə gələcəkdə qrafik dizayner olmaq arzusundadır.