Azərbaycan Milli Konservatoriyasının yeni rektoru kimdir? – Tərcümeyi-hal

Xəbər verediyimiz kimi, Prezident İlham Əliyevin sərəncamı ilə Kamilə Hüseyn qızı Dadaş-zadə Azərbaycan Milli Konservatoriyasına rektor təyin olunub.

“Azərbaycan müəllimi” xəbər verir ki, sənətşünaslıq üzrə fəlsəfə doktoru, professor Kamilə Dadaş-zadə ali məktəbi bitirdikdən sonra uzun müddət Aşıqlar Birliyində çalışıb. 2000-ci ildə “Azərbaycan aşıqlarının dastan havalarında semiotik prinsiplərinin təhlilinə dair” mövzusunda dissertasiya müdafiə edib. 

Bu təyinatadək isə Azərbaycan Dövlət Mədəniyyət və İncəsənət Universitetinin Musiqi tarixi və nəzəriyyəsi kafedrasının müdiri vəzifəsini icra edib (fasilələrlə 2005-2007-ci illər və 2011-ci ildən).

2013-cü ildə "Əməkdar elm xadimi" fəxri adına layiq görülüb. Azərbaycan Bəstəkarlar İttifaqının üzvüdür.