Lənkəranda "Şəxsi inkişaf festivalı" keçiriləcək

Noyabrın 28-də Lənkəran şəhərində gənclərin şəxsi inkişafına dəstək məqsədilə "Şəxsi inkişaf festivalı" keçiriləcək.

"Azərbaycan müəllimi" xəbər verir ki, festival Gənclərin İnkişaf və Karyera Mərkəzinin Lənkəran-Astara regional nümayəndəliyi və Lənkəran şəhər Heydər Əliyev Mərkəzinin təşkilatçılığı, Lənkəran Dövlət Peşə Təhsil Mərkəzinin tərəfdaşlığı ilə təşkil olunacaq. 

Festivalda Lənkəran Dövlət Peşə Təhsil Mərkəzinin direktoru Afər Kərimov “Düşünək, kəşf edək, dəyişək”, Lənkəran Regional Turizm İdarəsinin rəisi İlqar Əzimov “Turizmin inkişafında gənclərin rolu”, kibertəhlükəsizlik üzrə mütəxəssis İlkin Əsədzadə “Kiber təhdidlər: Riskləri necə idarə edək?”, psixoloq Röyalə Vüqarqızı “İnsan psixotipləri” mövzuları üzrə çıxış edəcəklər.

Festivalın sonunda spikerlər işitrakçıların suallarını cavablandıracaq, öz tövsiyələrini verəcəklər.