Gədəbəydə şagirdlərin qar sevinci – FOTOLAR

Gədəbəy rayonuna yağan ilk qar məktəblərdə böyük sevinc və coşqu ilə qarşılanıb. Şagirdlər qar topu oynayaraq qışın gəlişini qeyd ediblər. Payız mövsümündə yağan qar məktəblərdə istilik məsələsini bir daha gündəmə gətirir.

Qazax-Tovuz Regional Təhsil İdarəsindən “Azərbaycan müəllimi”nə verilən məlumata görə, dağ rayonu olan Gədəbəydə şagirdlərin dərsə davamiyyəti yüksəkdir.

Rayon üzrə bütün məktəblər istilik sistemi ilə təchiz edilib. Payız-qış mövsümünə hazırlıq çərçivəsində mərkəzi istilik sistemi ilə təchiz olunan məktəblərdə qazanxanalar saz vəziyyətə gətirilib, odun yanacağı ilə qızdırılan təhsil ocaqları üçün nəzərdə tutulan odun tədarük olunub və digər zəruri tədbirlər həyata keçirilib.

Qeyd edək ki, Gədəbəy rayonu üzrə 79 məktəb, 8 bağça və 2 məktəbdənkənar təhsil müəssisəsi fəaliyyət göstərir.