Şəki-Zaqatalada 2 məktəbin binası yenilənəcək

05 Fevral 2025 21:12 |
Kateqoriya : ORTA TƏHSİL |
17

Şəki-Zaqatalada 2 məktəbin binası yenilənəcək

2024-2025-ci tədris ilində Şəki-Zaqatala Regional Təhsil İdarəsinin tabeliyindəki 2 məktəbin yenidən inşası, 100-dən çox təhsil müəssisəsində təmir işlərinin aparılması nəzərdə tutulur.

İdarədən "Azərbaycan müəllimi"nə verilən məlumata əsasən, Şəki şəhəri 18 nömrəli tam orta məktəbin köhnə binası sökülərək yerində 720 şagird yerlik yeni məktəb binası inşa edilir.

Bununla yanaşı, Şəki şəhəri 20 nömrəli tam, Şəki rayonu Cəfərabad kənd tam, Qax rayonu Əziz Abdullayev adına Marsan kənd tam, Şəki rayonu Küdürlü kənd ümumi orta məktəblərində təmir işləri aparılır.

Son iki il ərzində Şəki-Zaqatala Regional Təhsil İdarəsinin tabeliyindəki 100-dən çox məktəbdə cari, 1 məktəbdə isə əsaslı təmir işləri həyata keçirilib, 8 məktəb binası isə sökülərək yenidən tikilib.

Facebookda bizi izləyin

Telegram kanalı

Whatsapp kanalı

Əvvəlki Xəbərlər Gənc müəllim: Dərsdə ən zəif şagirdin belə fəal olmasına çalışıram

Sonrakı Xəbərlər Özəl bağçalar davranış pozuntuları olan uşaqları uzaqlaşdırmağı çıxış yolu sayırlar - Mütəxəssis