Milli Aviasiya Akademiyası “Tyutor” vakansiyası üzrə müsahibə elan edir

Milli Aviasiya Akademiyası “Tyutor” vakansiyası üzrə müsahibə elan edir

Vəzifə öhdəlikləri:

• Tələbələrin akademik maraqlarının qorunması və müdafiə edilməsi;
• Tədris prosesinin təşkili ilə bağlı zəruri məlumatların və sənədlərin tələbələrə təqdim edilməsi;
• Tələbələrin fərdi tədris və iş planlarının tərtibi üçün onlara qrup halında və ya fərdi məsləhətlərin verilməsi;
• İl ərzində müntəzəm olaraq akademik məsləhətləşmələrin təşkil edilməsi;
• Tələbələrin fərdi tədris planlarının qəbulunun təşkili və ixtisaslar (proqramlar) üzrə iş planlarının tərtib edilməsində iştirak edilməsi;
• Tələbələrə fərdi tədris planında dəyişiklik aparmaqda yardımın göstərilməsi;
• İstiqamətlər (ixtisaslar, proqramlar) üzrə təhsil almaq üçün lazım olan metodik materialların hazırlanmasına və mövcudluğuna, eləcə də tələbələrin fənlər üzrə attestasiyasının keçirilməsinə nəzarət edilməsi;
• Ali təhsil müəssisəsinin rəhbərliyi tərəfindən təşkil olunan nəzarət komissiyalarının işində iştirak edilməsi.

Tələblər:
 

• “Təhsil haqqında”, “Elm haqqında” və “Aviasiya haqqında” Azərbaycan Respublikasının qanunları üzrə biliklər;
• Elm və təhsil sahələrinə dair Azərbaycan Respublikası Prezidentinin fərman və sərəncamları üzrə biliklər;
• Azərbaycan Respublikası Nazirlər Kabinetinin aidiyyəti qərar və sərəncamları üzrə biliklər;
• Azərbaycanın Aviasiya Qaydaları üzrə biliklər;
• İCAO-nun aidiyyəti əlavələri, qaydaları, tövsiyə etdiyi təcrübə, ali məktəb pedaqogikası və psixologiyası üzrə biliklər;
• Tədrisin təşkili qaydaları üzrə biliklər;
• Tələbələrlə davranış qaydaları üzrə biliklər;
• Tələbələrlə işin psixoloji xüsusiyyətləri üzrə biliklər;
• Minimum təhsil dərəcəsi: Tam ali, magistr;
• Təhsil istiqaməti/ixtisası: Uçuş mühəndisliyi, Hava nəqliyyatının hərəkətinin idarə olunması mühəndisliyi, Aviasiya texnikası avadanlıqlarının istismarı mühəndisliyi, Kosmik texnika və texnologiyalar mühəndisliyi, Nəqliyyatda daşımaların və idarəetmənin təşkili mühəndisliyi, Hava nəqliyyatında texnoloji proseslərin və istehsalatın təhlükəsizliyi mühəndisliyi ixtisaslarının məzunları.;
• Yaş: 25-35 yaş;
• İş təcrübəsi: tələb olunmur.

Fərdi keyfiyyət göstəriciləri:

• Koordinasiya etmə bacarığı;
• Tədris planları və proqramlarla işləmək bacarığı;
• Təşəbbüskarlıq və tələbkarlıq;
• İntizamlılıq;
• Vəzifə öhdəliklərini tam və vaxtında icra etmək bacarığı;
• Nəticəyönümlülük və dəqiqlik.

Dil və kompüter bilikləri:

• Azərbaycan dili – əla, rus dili – yaxşı;
• MS Excel, Power Point, Word proqramlarda işləmək bacarığı.

Tələb olunan sənədlər:

• Şəxsiyyəti təsdiq edən sənədin surəti;
• Tərcümeyi-hal (CV – şəkilli, Azərbaycan dilində);
• Ali təhsil diplomunun surəti;
• Magistr dərəcəsi və İELTS sertifikatının olması üstünlükdür.

Əlavə məlumatlar:

• Ofisdaxili;
• İş qrafiki: I-V günlər, 08:30-17:00;
• Ünvan: Bakı şəh., Mərdəkan pr., 30, AZ1045.

Vakansiyaya son müraciət tarixi: 02.02.2025

Namizədlər tələb olunan sənədləri [email protected]  e-mail ünvanına göndərə bilərlər (mövzu hissəsinə “Tyutor” qeyd olunması mütləqdir).

Müraciətlər vakansiyanın tələblərinə əsasən dəyərləndiriləcək və yalnız seçilmiş namizədlərlə əlaqə saxlanılacaqdır.