Naxçıvanın 9 kikbokçusu beynəlxalq turnirin birincisi olub

Gürcüstanın Tbilisi şəhərində “Kaspi International Tournament of Kickboxing” adlı beynəlxalq kikboksinq turniri keçirilib.

“Azərbaycan müəllimi” xəbər verir ki, Gücüstanla yanaşı, Azərbaycan, Türkiyə və İran komandalarının iştirak etdiyi turnirdə ölkəmizi təmsil edən Naxçıvanın “Araz” Kikboksinq Klubunun idmançıları uğurlu nəticələrə imza atıblar.

Yarışda klubun baş məşqçisi və təsisçisi Elvin Qoçəliyevin rəhbərliyi ilə 18 idmançı iştirak edib. Təkli döyüş formatında keçən turnirdə təmsilçilərimizdən 9-u qalib gələrək birinci, 9-u isə ikinci yerə layiq görülüb.

Qeyd edək ki, idmançılarımızdan Oğuz Cavadlı, Qurban Kəngərli, Həsən İsmayılov, Ülvü Əliyev, Polad Həsənli, İlham Şükürlü, Ayhan Xəlilli, Orxan Xəlilli və Rafiq Cəfərzadə birinci yerin sahibi kimi diplom və kubok, Nəsir Əliyev, Ağababa Həsənov, Adəm Cəfərov, Xəyal Seyidov, Hüseyn Mehdizadə, Ziya Məmmədzadə, Turan Həziyev, Əli Vəliyev və Ələmdar Nəcəfov isə ikinci yerin qalibi kimi diplom və medalla mükafatlandırılıblar.