Emin Əmrullayev: Süni intellekt tədrisə yanaşmaları kökündən dəyişəcək

"Süni intellekt tədrisə, tədqiqata yanaşmaları kökündən dəyişək. Hesab edirəm ki, çox qısa zamanda bu, mümkün olacaq".

"Azərbaycan müəllimi" xəbər verir ki, bunu elm və təhsil naziri Emin Əmrullayev bu gün keçirdiyi brifinqdə deyib.

O bildirib ki, biz tərəfdən süni intellektlə bağlı yanaşma konsept səviyyəsindədir:

"Süni intellekti təhsil komponentinə çevirə bilsək, bir sıra problemləri aradan qaldıra bilərik. Amma tətbiq məsələsinə gəlincə, süni intellekt bir alətdir və bacarıq məsələsidir. Müəllimlərimiz bunu bacarırlarsa, hansısa mövzu barədə oradan metodik tövsiyələr ala bilərlər".

Nazir əlavə edib ki, süni intellektdən istifadə ilə bağlı nazirliyin hansısa tənzimləmə sənədinə ehtiyac yoxdur.

Brifinqdə çıxış edən Elm və Ali Təhsil üzrə Dövlət Agüntliyinin direktoru Ülkər Səttarova isə bildirib ki, elmi araşdırmalar sahəsində süni intellektlə bağlı hazır həllərdən istifadə edilir:

"Elmi müəssisələrimiz üçün ayrıca olaraq bu imkanı yaratmışıq. Bütün elmi və ali təhsil müəssisələrimiz araşdırmalarında süni intellektlə bağlı həllərdən faydalana bilərlər".