"Balaca fidanlarımıza işıq yolu olaq" layihəsi davam edir

"Balaca fidanlarımıza işıq yolu olaq" layihəsi davam edir

Şəmkir rayon Kür qəsəbə İ.S.Aznaurov adına 1 nömrəli tam orta məktəbdə "Balaca fidanlarımıza işıq yolu olaq" layihəsinin icrası davam edir.

“Azərbaycan müəllimi” xəbər verir ki, bu gün uşaqlar özünü balaca aşpazlar kimi hiss edirlər, çünki onlara kulinariya sahəsində yeni bacarıqlar öyrədilir. Bu onların həm yaradıcılığını inkişaf etdirir, həm də əməkdaşlıq və komanda işini təbliğ edir. 

Layihənin əsas məqsədi məktəbəqədər yaşlı uşaqların inkişafını dəstəkləmək, onların təhsilə hazırlığını təmin etmək və təhsil imkanlarını genişləndirməklə cəmiyyətin hər bir üzvünə fayda verməkdir. Bu çərçivədə icma resurslarından səmərəli istifadə edərək uşaqların erkən yaş dövründə keyfiyyətli təhsilə çıxışını artırmaq hədəflənir.

Xatırladaq ki, layihə Elm və Təhsil Nazirliyi tərəfindən elan edilən “2024–2025-ci tədris ilində icma əsaslı məktəbəqədər təhsil xidmətlərinin təşkili” üzrə qrant proqramı çərçivəsində Əsgərova Könül tərəfindən icra edilir. Qrant proqramının həyata keçirilməsində əsas məqsəd 2024–2025-ci tədris ilində müəyyən səbəblərdən məktəbəqədər təhsildən kənarda qalmış uşaqları alternativ yollarla məktəbəqədər təhsilə cəlb etməkdən ibarətdir.