Millət vəkili: İstərdim ki, ikili diplom proqramları davam etsin – TƏKLİF

Millət vəkili: İstərdim ki, ikili diplom proqramları davam etsin – TƏKLİF

"Təhsil sahəmizdə həyata keçirilən ən uğurlu layihələrdən biri də ikili diplom proqramlarıdır. Azərbaycan universitetləri ilə xarici universitetlər arasında həyata keçirilən bu proqram universitetlərimizin imkanlarının, təcrübəsinin və beynəlxalq biliklərinin artmasına səbəb olur".

"Azərbaycan müəllimi" xəbər verir ki, bu təklifi martın 14-də Milli Məclisin plenar iclasında Nazirlər Kabinetinin hesabatı dinlənildikdən sonra millət vəkili Fariz İsmayılzadə səsləndirib.

"Mən çox istərdim ki, bu proqram davam etsin. Artıq ikili diplom proqramının birinci fazası başa çatıb və onun davam etdirilməsini məqsədəuyğun hesab edirəm”, – o qeyd edib.

Fariz İsmayılzadə həmçinin universitetlərdə tədqiqat fondlarının yaradılması ilə bağlı təklif irəli sürüb:

"Universitetlərimiz ənənəvi olaraq təhsillə məşğul olurlar, lakin çox yaxşı olardı ki, tədqiqat işləri də artsın. Bunun üçün tədqiqat fondlarının yaradılmasını məqsədəuyğun hesab edirəm”.