“Qarabağda Bahar Sevinci” müsabiqəsinin qalibləri müəyyən olunub

“Qarabağda Bahar Sevinci” müsabiqəsinin qalibləri müəyyən olunub

“Qarabağda Bahar Sevinci” adlı müsabiqə üzrə qaliblər müəyyən olunub.

“Azərbaycan müəllimi” xəbər verir ki, Qarabağ Regional Təhsil İdarəsinin elan etdiyi “Qarabağda Bahar Sevinci” adlı müsabiqə üzrə qaliblər bəlli olub.

Su çərşənbəsi üzrə Ağdam rayonu 33 nömrəli tam orta məktəbin 10-cu sinif şagirdi Əliyeva Həmayil Münasib qızı;

Yel çərşənbəsi üzrə Füzuli rayonu R.Əkbərov adına Kürdmahmudlu kənd tam orta məktəbin 5-ci sinif şagirdi Quluzadə Nuray Rüstəm qızı;

Od çərşənbəsi üzrə Füzuli rayon 48 nömrəli tam orta məktəbin 8-ci sinif şagirdi Cəfərova Məryəm Rəhman qızı;

Torpaq çərşənbəsi üzrə Füzuli şəhər M.Uluqbəy adına 1 nömrəli tam orta məktəbin 6-cı sinif şagirdi Xəlilzadə Yusif Bəxtiyar oğlu.

Müsabiqə istedadlı şagirdlərin  üzə çıxarılması, şagirdlərin asudə vaxtlarının səmərəli şəkildə təşkil edilməsi məqsədilə həyata keçirilib. 

Qeyd edək ki, müsabiqənin ümumi məqsədinə uyğun gəlməyən və qaydaları pozacaq formada  bəyənmələri artırılan fotoların bəyənmələri hesablanmamışdır.