Psixoloqların işə qəbulu üzrə müsabiqənin müsahibə mərhələsinin vaxtı açıqlanıb

04 Aprel 2025 19:17 |
Kateqoriya : ORTA TƏHSİL |
53

Psixoloqların işə qəbulu üzrə müsabiqənin müsahibə mərhələsinin vaxtı açıqlanıb

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində psixoloq vəzifəsinə işə qəbul üzrə müsabiqənin müsahibə mərhələsinin vaxtı bəlli olub.

“Azərbaycan müəllimi” xəbər verir ki, müsabiqənin müsahibə mərhələsinə aprelin 7-dən start veriləcək.

Müsahibənin vaxtı və məkan haqqında məlumat öncədən SMS vasitəsilə namizədlərə göndəriləcək.

Müsahibə mərhələsində namizədə ixtisas üzrə açıq və praktik suallar veriləcək. Müsahibəni uğurla keçən namizədlər müsahibə nəticələrinə görə müvafiq vakant yerlərə yerləşdiriləcəklər.

Qeyd edək ki, ümumi təhsil müəssisələrində psixoloq vəzifəsinə işə qəbul üzrə müsabiqənin test imtahanında iştirak edən 312 namizəddən 139-u müsabiqənin müsahibə mərhələsinə vəsiqə qazanıb.

Facebookda bizi izləyin

Telegram kanalı

Whatsapp kanalı

Əvvəlki Xəbərlər Tələbə yaz düşərgələrinin bağlanış mərasimi keçirilib

Sonrakı Xəbərlər UNEC-də “Elm Festivalı” keçiriləcək