Beynəlxalq Türk Akademiyası ilə Türkiyənin elmi qurumları arasında əməkdaşlıq imkanları müzakirə edilib

14 Aprel 2025 17:48 |
Kateqoriya : ALİ TƏHSİL |
11

Beynəlxalq Türk Akademiyası ilə Türkiyənin elmi qurumları arasında əməkdaşlıq imkanları müzakirə edilib

Türkiyədə keçirilən IV Antalya Diplomatiya Forumu (ADF 2025) çərçivəsində Beynəlxalq Türk Akademiyasının prezidenti akademik Şahin Mustafayev Türkiyə Respublikası Xarici İşlər Nazirliyinin Elm və Texnologiya Siyasətləri üzrə Baş Direktorunun müavini, səfir Hami Aksoy ilə görüşüb.

Görüş zamanı tərəflər Beynəlxalq Türk Akademiyası ilə Türkiyənin əlaqədar qurumları arasında elmi əməkdaşlıq imkanlarını qiymətləndiriblər.

Akademik Şahin Mustafayev rəhbərlik etdiyi qurumun fəaliyyət istiqamətlərindən bəhs edərək, Türk dünyasında inteqrasiyanın gücləndirilməsi missiyası çərçivəsində həyata keçirilən prioritet elmi layihələrə diqqət çəkib.

Tərəflər əməkdaşlığın inkişaf etdirilməsində maraqlı olduqlarını bildirib, Türk dünyasında elmi icmalar arasında dialoqun gücləndirilməsinin vacibliyini vurğulayıblar.

Facebookda bizi izləyin

Telegram kanalı

Whatsapp kanalı

Əvvəlki Xəbərlər “Impulse4Women” və IDEA tərəfindən keçirilən hakatonun qalibi BANM oldu

Sonrakı Xəbərlər BANM və 4SİM arasında Anlaşma Memorandumu imzalanıb