Beynəlxalq ekspertlərin iştirakı ilə “İqlimin idarəolunması məktəbi” öz işinə başlayıb

Beynəlxalq ekspertlərin iştirakı ilə “İqlimin idarəolunması məktəbi” öz işinə başlayıb

Oksford Universitetinin (Saïd Business School) dəstəyi və Sumqayıt Dövlət Universitetinin (SDU) təşkilatçılığı ilə “İqlimin idarəolunması məktəbi” adlı təlim öz işinə başlayıb. 

Universitetdən “Azərbaycan müəllimi”nə bildirilib ki, əsas məqsəd dünyanın üzləşdiyi ən aktual ekoloji problemlərin həlli üçün innovativ yanaşmaları təşviq etmək və iqlimin idarəolunmasında dayanıqlı yanaşmalar formalaşdırmaqdır.

Ali təhsil müəssisələrinin və sənaye sektorunun nümayəndələrinin iştirakı ilə keçirilən təlimin ilk günündə  “Yaşıl olmağın təşkilatlar üçün faydaları” və “İqlim idarəetməsinin biznes strategiyasına inteqrasiyası” mövzuları ətrafında geniş müzakirələr aparılıb. Təlimin ikinci günündə iqlim dəyişikliyinin sağlamlıq üzərində təsirləri, iqlim dəyişikliyinin idarəolunması sahəsində ortaya çıxan problemlər müzakirə ediləcək.