Məktəblilərimiz Beynəlxalq Kosmik Poster müsabiqəsində ölkəmizi təmsil edirlər

Məktəblilərimiz Beynəlxalq Kosmik Poster müsabiqəsində ölkəmizi təmsil edirlər

Azərbaycan Respublikası Elm və Təhsil Nazirliyi, Azərbaycan Respublikası Təhsil İnstitutu və Məktəbəqədər və Ümumi Təhsil üzrə Dövlət Agentliyinin dəstəyi, Azərkosmosun nəzdində fəaliyyət göstərən KOSMİK Akademiyanın təşkilatçılığı ilə Beynəlxalq Kosmik Poster müsabiqəsinin milli mərhələsi keçirilib.

Milli mərhələ cari ilin sentyabr-oktyabr aylarında Asiya-Sakit Okean Regionu Kosmik Agentliklərinin Forumu (APRSAF) ilə əməkdaşlıq çərçivəsində baş tutub. “Kosmik səyahət” mövzusunda keçirilən müsabiqənin milli mərhələsində 9 məktəbdənkənar təhsil müəssisəsindən 9-12 yaş arası 25 şagird iştirak edib.

Müsabiqə çərçisində posterlər konsept, dizayn, emosional təsir, mövzunun təsirliliyi və təqdimat bacarıqları üzrə qiymətləndirilib. 

Kosmik tədqiqatlara olan maraqlarını və yaradıcılıq potensialını uğurla nümayiş etdirən 3 nəfər qalibimiz növbəti mərhələyə keçərək ölkəmizi təmsil etmək hüququ qazanıblar. 

Qeyd edək ki, qaliblərimiz 3 və 6 nömrəli Uşaq-Gənclər İnkişaf mərkəzlərinin məktəbdənkənar dərnək üzvləridirlər.

Azərbaycanı təmsil edəcək gənc kosmos həvəskarlarımıza dəstək olmaq üçün aşağıdakı keçidə daxil olaraq 19, 20, 21 nömrəli posterlərə səs verə bilərsiniz:

https://www.aprsaf.org/annual.../aprsaf30/poster_contest.php

Qeyd edək ki, Əsma Həsənzadənin rəsm əsəri 19, Kövsər Qurbanın 20, Ayxan Məhərrəmlinin isə 21-ci nömrə olaraq səsvermə platformasında yer alıb.