ADPU-da “Ədəbi əlaqələr - yaradıcılıq prosesinin güzgüsü” antologiyası təqdim edilib

ADPU-da “Ədəbi əlaqələr - yaradıcılıq prosesinin güzgüsü” antologiyası təqdim edilib

Bu gün Azərbaycan Dövlət Neft və Sənaye Universitetində (ADNSU) "Macro Frontiers 2025" Makromolekulyar Birləşmələr üzrə 3-cü Beynəlxalq konfrans başlayıb. ADNSU-nun 105 illik yubileyinə həsr olunmuş ikigünlük konfransda Azərbaycanın universitet rektorları, elmi müəssisələrin rəhbərləri, alimlərimiz, tələbələr, dövlət və özəl qurumların nümayəndələri iştirak ediblər.

Tədbir Azərbaycanın Dövlət himninin oxunması ilə başlayıb.

“Azərbaycan müəllimi” xəbər verir ki, ADNSU rektoru Rüfət Əzizov salamlama nitqi ilə çıxış edərək beynəlxalq konfransın mövzusu barədə məlumat verib. Rektor tədbirdə Türkiyə, ABŞ Birləşmiş Krallıq, Rusiya, Özbəkistan, Qazaxıstan kimi ölkələrdən elm adamlarının iştirak etdiyini vurğulayaraq qonaqları ali təhsil müəssisəsində görməkdən məmnunluğunu ifadə edib. Rüfət Əzizov xüsusən də beynəlxlaq konfransda hazırda ADNSU-da magistr təhsili alan 21 qazaxıstanlı tələbənin iştirak etdiyini qeyd edib.

Rektor R.Əzizov ADNSU-nun Azərbaycanın elmi həyatında və dünyada tanınan bir çox məzunlarla uzun tarixi uğurlu yol keçdiyini diqqətə çatdırıb. Hazırda ADNSU-da aparılan elmi-tədqiqatlar, alimlərin elmi publikasiya aktivliyi barədə məlumat verib. Qeyd olunub ki, son illərdə ADNSU alimlərinin nüfuzlu jurnallarda dərc olunmuş məqalələrinin sayı 5 dəfə artıb. Bundan əlavə, məqalələrin keyfiyyəti də yaxşılaşıb. ADNSU alimlərinin məqalələrinə olan istinadların sayı da son illərdə 10 dəfə artıb. Rektor vurğulayıb ki, elmi publikasiya sahəsində müşahidə olunan uğurlar tədqiqat universiteti olmağa çalışan ali məktəbin hansı yolda olduğunu göstərir.

Rektor əmin olduğunu bildirib ki, beynəlxalq konfransa təqdim olunacaq elmi məqalələr yüksək impakt faktorlu jurnallarda dərc olunacaq.

Daha sonra çıxış edən Bakı Dövlət Universitetinin rektoru Elçin Babayev beynəlxalq tədbirin ölkəmizdə qeyd olunan “Konstitusiya və Suverenlik İli”nə, eləcə də İkinci Qarabağ müharibəsində əldə etdiyimiz Şanlı Zəfərin 5 illiyinə təsadüf etməsini xüsusi vurğulayıb və əlavə edib ki, konfransın ADNSU-nun 105 illiyinə həsr olunması xüsusən əlamətdardır.

Rektor diqqətə çatdırıb ki, BDU və ADNSU-nun yubileylərinin keçirilməsi mühüm hadisədir. Hər iki ali məktəb ölkəmizdə elmi fikrin, təhsilin inkişafında mühüm rol oynayıb. ADNSU bir əsrdən artıq tarixi olan ali məktəb olmaqla ölkəmizin elmi potensialının inkişafında yüksəkixtisaslı kadr hazırlığı ilə ölkə universitetlərinin önündədir.

Ölkəmizin inkişafında elm və təhsilin önəmli rol oynadığını deyən rektor bu baxımdan gənclərin xarici ölkələrdə təhsili üzrə dövlət proqramlarının qəbul olunduğunu, ölkəmizin ali təhsil müəssisələrinə əcnəbi tələbələrin cəlbinin xüsusi önəm daşıdığını bildirib. Konfransı mühüm elmi platforma kimi qiymətləndirən rektor tədbirin bilik və təcrübə baxımından əhəmiyyətli olduğunu deyib.

Elm və Təhsil Nazirliyi akademik Yusif Məmmədəliyev adına Neft-Kimya Prosesləri İnstitutunun (NKP) direktoru akademik Vaqif Abbasov qeyd edib ki, BDU və ADNSU Azərbaycan universitetlərinin bayraqdarıdır. Akademik ADNSU-nun Azərbaycan və dünya elminə bəxş etdiyi məşhur məzunları, ali məktəbin yetirmələri barədə danışıb. Azərbaycanda elmin olmadığı barədə fikirləri birmənalı rədd edən akademik rəhbərlik etdiyi elmi müəssisədə aparılan elmi-tədqiqatların geniş miqyasından, NKP-nin BDU və ADNSU ilə əməkdaşlıq imkanlarından danışıb. 2016-cı ildən institut əməkdaşlarının məqalələrinə 14 min istinad var, 32 dərslik, 74 monoqrafiya 103 kitab yazılıb, onların əksəriyyəti ADNSU ilə əməkdaşlıqda hazırlanıb. Akademik elmi müəssisələrlə ali məktəblərin əlaqələrinin yüksək səviyyədə təşkilinin çox önəmli olduğunu bildirib, elmdə təbliğat və maarifləndirmə işinin aparılmasının vacibliyini qeyd edib.

V.Abbasov ölkəmizdə elmin inkişafında həm ADNSU, həm də BDU-nun xüsusi roluna toxunub və qeyd edib ki, onların iştirakı olmadan Azərbaycanda elmin inkişafını təsəvvür etmək olmaz.

Daha sonra Böyük Britaniyadan olan professor Vitaliy Xutoryanskiynin “Poly (2-oksazolinlər): Əczaçılıq sahəsində potensial tətbiq imkanlarına malik suda həll olan polimerlər sinfi”, Malayziyanın Putra Universitetinin professoru Mohd Sapuan Saliin “Tropik bitki mənşəli nanoselüloza-nişasta biopolimer kompozitlərinin xarakteristikası, emalı və tətbiqləri” mövzularında çıxışları olub.

“Dövlət-sənaye-universitet əməkdaşlıq modeli – innovativ inkişafın drayveri kimi” mövzusunda keçirilən panel sessiyada SOCAR “Downstream” şirkətinin proses direktoru Qədir Əliyev, Azərbaycan Metrologiya İnstitutu publik hüquqi şəxsin baş direktoru Xamis Seyranov, Təhsilin İnkişafı Fondunun İdarə Heyətinin sədri Elnur Nəsibov, “SOCAR Fugro” MMC-nin direktoru Fikrət Əliyev, 1 nömrəli şərab zavodu İdarə Heyətinin sədri Mətləb Abbasov çıxış ediblər.

Tədbirdə “Sənayedə müasir texnologiyalar və innovasiyalar” (Kimya və qida sənayesi) mövzusunda təşkil olunmuş sərgi də təqdim olunub.