Tələbə krediti almış 5 mindən çox məzunun geri ödənişi başlayıb

Tələbə krediti almış 5 mindən çox məzunun geri ödənişi başlayıb

Təhsil tələbə krediti almış 5379 məzunun geri ödənişi başlayıb.

"Azərbaycan müəllimi" xəbər verir ki, bu barədə elm və təhsil nazirinin müavini Kənan Kərimzadə "LinkedIn" hesabında paylaşım edib.

Nazir müavini qeyd edib ki, sevindirici haldır ki, geri ödənişə başlayan 5 379 məzunun 73 faizi rəsmi əmək fəaliyyəti ilə məşğuldur.

Belə ki, 3930 işləyən məzunun geri ödənişi başlayıb.

Nazir müavini ən çox TTK rəsmiləşdirilmiş və geri ödənişi başlamış ali təhsil müəssisələri üzrə göstəriciləri də paylaşıb:

"Bu göstərici Azərbaycan Dövlət İqtisad Universitetində 83%, Azərbaycan Texniki Universitetində 82%, Gəncə Dövlət Universitetində isə 59%-dir".

Ən çox TTK rəsmiləşdirilmiş ixtisas sahiblərinə gəlincə isə “Biznesin idarə edilməsi” ixtisası üzrə məzunların 85%-i, “Azərbaycan dili və ədəbiyyat müəllimliyi” üzrə 52%-i, “İqtisadiyyat” ixtisası üzrə isə 75%-i işlə təmin olunub.

"Bu rəqəmlər göstərir ki, dövlətin təhsilə dəstəyi ilə formalaşan gənclər əmək bazarına uğurla inteqrasiya olunur. Onu da qeyd edim ki, cari tarixə TTK almış və məzun olmuş ümumi tələbə sayı 9000-ə yaxındır. Geri ödəmə dövrü başlamayan məzunlar isə hazırda ilkin müqavilə şərtlərinə və Qaydaya uyğun olaraq güzəşt, onlardan bəziləri isə möhlət dövründədir", – deyə nazir müavini yazıb.