1200-dən çox uşaq özəl bağçada qrant hesabına təhsil alır

1200-dən çox uşaq özəl bağçada qrant hesabına təhsil alır

“2024–2025-ci tədris ilində icma əsaslı məktəbəqədər təhsil xidmətlərinin təşkili” qrant müsabiqəsi çərçivəsində 188 mərkəzdə 341 icma əsaslı qrup təşkil edilib. Bu qruplara 4800-dən çox məktəbəqədər yaşlı uşaq cəlb olunub. Həmin uşaqların təlim-tərbiyəsi ilə təxminən 300 nəfər tərbiyəçi-müəllim məşğul olur.

“Azərbaycan müəllimi xəbər verir ki, bu barədə məlumat Elm və Təhsil Nazirliyinin “2024-2025-ci tədris ili rəqəmlərdə” adlı hesabatında yer alıb. 

Qeyd edilib ki, icma əsaslı məktəbəqədər təhsil” layihəsi çərçivəsində 886 mərkəzdə (ümumi təhsil müəssisəsində) 1177 icma əsaslı qrup təşkil edilib. Bu qruplara 18 300 nəfər 3-4 yaşlı uşaq cəlb olunub. Bu uşaqların təlim-tərbiyəsi ilə 1046 tərbiyəçi-müəllim məşğul olur.

Məlumatda o da bildirilib ki, dövlət-özəl əməkdaşlığı modeli ilə əlaqədar olaraq “Özəl məktəbəqədər təhsil müəssisələri üçün qrant müsabiqəsi”nə müraciət edən 42 özəl məktəbəqədər təhsil müəssisəsinin 24-ündə 1200-dən çox uşaq qrant hesabına təhsil alır.