“Öyrən, əylən və parla” adlı mahnı klip uşaqlara əylənərək öyrənməyi təşviq edir

“Öyrən, əylən və parla” adlı mahnı klip uşaqlara əylənərək öyrənməyi təşviq edir.

7 iyul - Əməkdar artist, Kukla Teatrının baş rejissoru, uşaqların sevimli “Ələkbər əmi”si kimi tanınan aktyor Ələkbər Hüseynovun doğum günüdür. “Ələkbər əmi” Dövlət Kukla Teatrının səhnəsində yaratdığı və quruluş verdiyi rəngarəng obrazlarla uşaqların vaxtlarının əyləncəli keçməsinə, dünyagörüşlərinin formalaşamasına, incəsənətə maraqlarının artmasına çoxlu töhfələr verib.

Aktyor bir sıra beynəlxalq festivallarda iştirak edib, “Humay” və “Qızıl Dərviş” mükafatlarına, 2007-ci ildə Polşanın “Təbəssüm Ordeni” mükafatına layiq görülüb. 

"Ələkbər əmi" uzun müddət Azərbaycan Dövlət Televiziyasında uşaq verilişlərinin aparıcısı olub. ”Göydən 3 alma düşdü”, “Hər birimiz bir çiçək” verilişləri ilə uşaqlığımızın ən unudulmaz xatirəsinə çevrilən "Ələkbər əmi" ni doğum günündə hörmətlə anırıq.

“Kaspi Kids” komandasının ərsəyə gətirdiyi yeni uşaq mahnı klipini "Ələkbər əmi" nin əziz xatirəsinə ithaf edərək, bütün balalara hədiyyə edir.

“Öyrən, əylən və parla” adlı mahnı klip uşaqlara əylənərək öyrənməyi təşviq edir.

Klipdə səslənən mahnının sözləri Rəqsanə Xanlarovaya, musiqisi Aliyə Sabir qızına, arenjeman Majnuna məxsusdur. Mahnını Həbibə Səfərli, Sürayyə Məmmədli və Nərgiz Bayramova ifa edirlər.

Klip “Parpar studiya”sının istehsalıdır.

https://www.youtube.com/watch?v=IHN7IWFFp3Q